UFC президенти: «Одамлар мендан Хабибни қайтаришимни сўрашмоқда»

UFC президенти Дана Уайт енгил вазн тоифасида амалдаги UFC чемпиони Чарлз Оливейранинг муваффақияти Хабиб Нурмагомедовнинг фаолиятини тиклаши ва октагонга қайтиши учун етарли сабаб бўлишига ишонмайди.

"Чарлз Оливейранинг ғалабаларидан сўнг, одамлар ижтимоий тармоқларда мендан Хабибни қайтариш учун яна бир уриниб кўришимни сўрашмоқда, лекин у нафақага чиқди ва ўз бизнеси билан шуғуллана бошлади. Менимча, у энди жанг қилмоқчи эмас. Отасидан айрилгач, у жангга бўлган иштиёқини йўқотди, чунки отаси унинг учун ҳаракатлантирувчи куч эди – у унга йўл-йўриқ кўрсатиб, нима қилиш, қандай қилиш кераклигини айтарди. Унинг отаси кетди, менимча, Хабиб энди жанг қилмайди”, - деди Уайт Бретт Окамото билан суҳбатда.