UFC президенти қатл этилган спортчи ҳақида: Унинг жони учун Трампдан ёрдам сўрадим

“Афсуски, шунча ҳаракатларга қарамасдан Навидни ўлимга ҳукм қилишди. Мен унинг жони учун АҚШ раҳбари билан суҳбатлашдим ва уни сақлаб қолишни сўрадим. У қўлидан келган барчасини қилишини айтганди. Биламан, Навидни ўлимдан сақлаб қолиш учун жуда кўп шахслар ва мамлакатлар ҳаракат қилди, бироқ у ердаги ҳукумат ҳеч нимани инобатга олмади”, - деди Дэна.

Эслатиб ўтамиз, кеча юнон-рим кураши бўйича кўп карра Эрон чемпиони Навид Афкари мамлакат ҳукумати томонидан қатл этилганди.

Унга 2018 йилда Эрон иқтисодий сиёсатига қарши оммавий намойишни ташкил этиш ҳамда ҳукумат ҳарбийсини ўлдириш айбловлари қўйилган. Афкари акалари билан бирга ҳукуматга қарши намойишларда иштирок этганди.