05 сен 09:41
Янгиликлар
Бокс/ММА
UFC президенти Хамзат Чимаевнинг рақибини эълон қилди
UFC президенти Дэна Уайт келажаги порлоқ ҳисобланаётган Хамзат Чимаевнинг навбатдаги рақиби ким бўлишини ошкор этди.
Асли чеченистонлик, ҳозирда Швеция шарафини ҳимоя қилаётган Чимаев тажрибали жангчи, чемпионлик камарига собиқ даъвогар Дэмьен Майяга қарши октагонга кўтарилади.
"Чимаевга виза берилди ва у тез орада АҚШга етиб келади. У бу ерда битта жанг ўтказади. Кейин эса "Жанглар ороли"га йўл олади ва Абу-Дабида ҳам октагонга кўтарилади. Буни Хамзатнинг ўзи истаяпти. Шахсан менга бундай ёндашув ёқади", — деди Уайт.
Эслатиб ўтамиз, Хамзат Чимаев июль ойида UFCда дебют қилган ва икки ҳафта ичида иккита жангда иштирок этган ҳолда рекорд ўрнатган эди.
Ҳавола :
Фикрлар