28 май 11:55
Янгиликлар

Бокс/ММА

UFC Шара Буллетга дебют жанг белгилади

У UFC промоушенидаги илк жангини БАА пойтахти Абу-Даби шаҳрида ўтказадиган бўлди.

Россиялик аралаш яккакураш устаси, Шара Буллет номи билан танилган Шарабутдин Магомедов шу йил октябрь ойида Абу-Дабида ўтказиладиган UFC 294 турнирида октагонга кўтарилади. Бу маълумотни унинг мураббийи Гор Азизян ҳам тасдиқлади.

"Жанг қачон? Октябрь ойида, Абу-Дабида. Ҳозирча рақиб исм-шарифини айта олмайман, лекин топ даражадаги жиддий жангчи. Шара тез орада UFC чемпиони бўлади. Мен бу ҳақда тўрт йил аввал айгандим, ҳозир яна такрорлайман. Бу фақат менинг фикрим эмас", — деди мураббий.

Эслатиб ўтамиз, Шара Буллет ўтган йилнинг декабрь ойида UFC билан шартнома имзолаган эди. У ўрта вазн тоифасида ўз жангларини ўтказади. Унинг ҳисобида 11 та ғалаба бор.