UFC шарҳловчиси Жо Роган Дональд Трампга жавоб қайтарди

Ирқий жанжал ўчоғига айланган таниқли UFC шарҳловчиси Жо Роган АҚШнинг собиқ президенти Дональд Трампни контекстдан олиб ташланган сўзлар учун кечирим сўрашни бас қилишга ундаган мурожаатига жавоб қайтарди.

"Агар бирор нарсадан афсуслансангиз, кечирим сўрашингиз керак. Ҳеч қачон кечирим сўрамаслик керак деган фикр... Агар бирор нарсадан афсуслансангиз, кечирим сўрашнинг ёмон жиҳати йўқ деб ўйлайман", - деди Роган Тhe Hollywod Reporter'да.

Жанжал сабаби Жо Роган подкастининг парчаларидан йиғилган видео бўлиб, у ерда у "Н ҳарфи билан сўз" деб номланган сўзни қайта-қайта такрорлайди.

“Кимдир сўнгги 14 йил ичида бу сўзни айтганларимни жамлаб, YouTube'га жойлаштирди ва бу ирқчилик каби кўринди. Ҳатто ўзим учун ҳам".

Аввалроқ Роган ўзининг подкастининг ушбу сўз эшитилган барча эпизодларини ўчириб ташлаган, омма олдида кечирим сўраган, шунингдек, унинг баёнотлари контекстдан олиб ташланганини тушунтирган.