UFCда дебют қиладиган Раҳмонов Хабиб — Гэтжи жангининг андеркардида октагонга кўтарилади

UFC 254 турнирининг марказий жангида енгил вазнда UFC чемпиони Хабиб Нурмагомедов вақтинчалик чемпион Жастин Гэтжига қарши октагонга кўтарилади. "Йил жанги"дан олдин эса собиқ M-1 лигаси чемпиони, қозоғистонлик Шавкат Раҳмонов бразилиялик 33 ёшли Элизеу Залески дос Сантосга қарши жанг ўтказади. Бу Раҳмонов учун UFCдаги дебют жанг бўлади.

Маълумот учун, Шавкат Раҳмонов ММАдаги профессионал фаолияти давомида 12 та жанг ўтказиб, барчасини муддатидан аввал ғалаба билан якунлаган. Тажрибали Элизеу Залески дос Сантос эса 2015 йилдан бери UFC промоушенида ўз жангларини ўтказиб келмоқда. У 11 жангидан 8 тасида зафар қучган. Ҳисобида 3 та мағлубият бор. Залески сўнгги жангини айнан "Жанглар ороли"даги UFC 251 турнирида ўтказиб, Муслим Салиховга мағлуб (1:2) бўлган эди.