UFCдаги янги жангчимиз Саидёқуб Қахрамоновнинг рақиби жангдан олдин нималар деди?

Cаидёқубнинг бўлажак рақиби Тревин Жонс яқинлашиб келаётган жанг ва ҳамюртимиз ҳақида гапириб ўтди.

"Бу жуда қийин бўлди. Мен жанг қилишим лозим эди. Охирги сонияларда рақиблар алмашиб кетди. Менинг мақсадим жанг қилиш, UFC таркибидаман деб кўнгилхушликлар қилиб юриш эмас. Мен дивизионнинг энг кучли жангчиси билан курашишга ҳам тайёрман. 

Олдинги рақибим жангдан олингандан сўнг, менга олтита жангчининг номини айтишди. Охири, ушбу рақиб билан (Саидёқуб Қахрамонов) келишувга эришилди, қолган жангчилар эса таклифни рад этишди.

Менинг жамоам жуда ажойиб. Бизда исталган рақибни енгиш учун етарли имкониятлар бор. Янги рақибга қарши ҳам эътиборни бир жойга жамлаган ҳолда жанг қиламан. Оилам ва яқинларим билан анчадан бери шу ердамиз. Бор эътибор шу жангимга қаратилган. Ишонаманки, ғалаба қозонамиз. 

Янги рақибим (Саидёқуб Қахрамонов) ҳақида жуда кўп қизиқганим ҳам йўқ. Йигитлар, менга жанг керак дедим. Албатта, жамоамдагилар у ҳақида ўрганим чиқишди ва бўлажак тактикамга бир қанча ўзгартиришлар киритилди. Энди октагонга чиқиш ва натижа кўрсатиш қолди.

Ғалаба қозониш ёки томошабоп жанг? Ғалаба қозониш ҳар доим ёқимли. Мен 6 та мағлуб бўлган жангларимнинг 5 тасида ҳакамларнинг бўлинган қарори (split decision) эвазига мағлуб бўлганман. Ўша жангларда мен айнан ўзимни яхши томондан кўрсатиш учун ҳаракат қилганман. Шахсан ўзим ўша бешта жангни мағлубият сифатида кўрмайман. Мен бор-йўғи бир марта мағлуб бўлганман", -дейди Тревин Жонс.

Эслатиб ўтамиз, Тревин Жонс ва Саидёқуб Қахрамонов ўртасидаги жанг 23 август куни эрта тонгда ўтказилади.