UFC`даги янги рус: "Ислам Махачев "қўрқинчли одам"

Боршев кеча Лас-Вегасда ўтган турнирда UFC промоушенидаги дебют жангини ўтказган ва рақибини биринчи раунднинг ўзида нокаутга учратган эди. 

"Ҳа, унинг сўз ўйини қилиб айтган гапларини ўқидим. Нима ҳам дердим. У жуда ҳам қўрқинчли одам. Унга бир нарса ҳам деб бўлмайди. Энг муҳими, у мен ҳақимда гапирди. Ўйлашимча, у қўпол гапирмади", - деди Боршев. 

Кеча Боршев биринчи раунднинг ўзида америкалик Дакота Бушни жигарига йўллаган кучли зарбаси эвазига нокаутга учратганди. Ушбу чиройли ғалаба унга кафолатланган гонорардан ташқари қўшимча 50 минг долларлик бонусни ҳам келтирганди. 

"Тўғри, бу пул билан бойиб кетмайман. Лекин АҚШдаги имкониятларимнинг ошишига хизмат қилади. Камида ҳужжатлар билан боғлиқ ҳаракатларимни тезлаштириб беради. Ҳозир биринчи галда грин-картани олишим керак", - дея сўзини якунлади россиялик UFC жангчиси.