14 авг 10:23
Янгиликлар

Теннис

Уильямсга ютқазган Бертенс чемпионлик унвонини ҳимоя қила олмади

Дунёнинг бешинчи рақамли теннис маликаси Кики Бертенс Цинцинатти турнирининг иккинчи даврасида мағлубият аламини тотиб кўрди.

Голландиялик теннисчи 2 соату 17 дақиқа давом этган баҳсда WTA рейтингининг 65-поғонасидан жой олиб турган америкалик Винус Уильямсга 3/6, 6/3, 6/7(4) ҳисобида имкониятни бой бериб қўйди.

Эътиборлиси, Бертенс Цинциннати турнирининг амалдаги чемпиони эди. Энди Уильямсларнинг тўнғичи Western & Southern Open мусобақасининг учинчи босқичида хорватиялик Донна Векич ҳамда беларуслик Виктория Азаренко учрашуви ғолибасига қарши кортга чиқади.