08 июл 15:33
Янгиликлар

Теннис

Уимблдон 1/4 финалига чиққан Анисимова Топ-10`таликда дебют қилади

Айни пайтда дунёнинг 12-ракеткаси бўлиб турган Аманда Анисимова Лондонда давом этаётган Уимблдон турнирининг чорак финалчисига айланди.

Америкалик теннис маликаси 1/8 финалда WTA рейтингида 27-поғонадан жой олган чехиялик Линда Носковани уч сет натижасига кўра мағлубиятга учратди - 6/2, 5/7, 6/4. Бу билан у теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1.

Икки соату икки дақиқа давом этган баҳсда Анисимова 6, Носкова 11 та эйс зарбани амалга оширган. Иккала теннисчи ҳам 6 тадан қўшхатога йўл қўйди. Брейклар бўйича устунлик Аманда томонида бўлди - 5 га 3. Америкалик фаолиятида учинчи бор "Катта Дубулға" турнирларининг ушбу босқичига етиб келди. У янгиланган рейтингда Топ-10`да дебют қилади.