Уимблдон. 16 ёшли Мирра Андрееванинг юриши давом этади

Россиялик 16 ёшли иқтидор эгаси Уимблдон турнирининг 1/8 финал иштирокчисига айланди. У учинчи давра учрашувида WTA рейтингида 23-ўринни эгаллаб турган ватандоши Анастасия Потаповани 6/2, 7/5 ҳисобида мағлубиятга учратди. 

Россияликларнинг ўзаро учрашувларидаги ҳисоб мувозанати тикланди - 1:1. Тўқсон олти дақиқа давом этган баҳсда иккала теннисчи ҳам эйс зарбасини амалга ошира олмади. Қўшхатолар Потповада кўпроқ бўлди - 4 га 1. Мирра 6, Настя эса 3 та брейк қайд этди. 

Андреева фаолиятида илк бор "Катта Дубулға" турнирларининг иккинчи ҳафтасида ўйнайди. У "Ролан Гаррос" турнирининг учинчи даврасига қадар етиб борган эди. Бироздан сўнг Мирра Андреева 1/8 финал учрашувида америкалик Мэдисон Кизга қарши кортга чиқади.