10 июл 08:23
Янгиликлар

Теннис

Уимблдон. 18 ёшли Мирра Андреевани ярим финал остонасида тўхтатишди

Теннис бўйича "Катта Дубулға" туркумига кирувчи Уимблдон турнирида 1/2 финалчилар аниқланди.

Дунёнинг еттинчи ракеткаси бўлиб турган Мирра Андреева чорак финалда ўз юришини тўхтатди. Россиялик 18 ёшли иқтидор эгаси WTA рейтингида 35-ўринни эгаллаб турган швейцариялик Белинда Бенчичга тай-брекларда имкониятни бой бериб қўйди - 6/7(3), 6/7(2).

Бу теннис маликаларининг ўзаро ўтказган илк учрашуви бўлди. Икки соату 10 дақиқа давом этган баҳсда Андреева 6, Бенчич 1 та эйс зарбасини амалга оширган. Иккала теннисчи ҳам биттадан брейкка эришган.