15 июл 13:44
Янгиликлар

Теннис

Уимблдон. Аёллар ўртасидаги жуфтлик турнирида финалчилар маълум

Лондон шаҳри мезбонлигида ўтказилаётган теннис бўйича "Катта Дубулға" туркумига кирувчи Уимблдон турнирининг аёллар ўртасидаги жуфтлик баҳсларида финалчилар аниқланди.

Биринчи 1/2 финал учрашувида турнирда учинчи рақам остида таснифланган австралиялик Сторм Хантер ҳамда бельгиялик Элизе Мертенс жуфтлиги америкалик Каролин Долхайд ва хитойлик Чжан Шуайдан ортиқча қийинчиликсиз устун келди - 6/1, 6/1.

Иккинчи 1/2 финал баҳсида Хитой Тайпейи вакиласи Се Су-Вей ва чехиялик Барбора Стрикова чехиялик Мари Бузкова ҳамда испаниялик Сара Соррибес-Тормо ҳамкорлигини 6/4, 6/1 ҳисобида мағлуб этишди. Жуфтликда финал учрашуви якшанба куни бўлиб ўтади.