14 июл 11:15
Янгиликлар

Теннис

Уимблдон. Аёллар ўртасидаги жуфтлик турнирида ғолибалар аниқланди

Лондон шаҳрида якунига етган теннис бўйича "Катта Дубулға" туркумига кирувчи Уимблдон турнирининг сўнгги куни аёллар ўртасидаги жуфтлик баҳслари бўлиб ўтди.

Ҳал қилувчи финал учрашувида россиялик Вероника Кудерметова ва бельгиялик Элизе Мертенс ҳамкорлиги Хитой Тайпейи вакиоаси Се Су-Вей ҳамда латвиялик Алёна Остапенко жуфтлигини уч сет натижасига кўра мағлубиятга учратди - 3/6, 6/2, 6/4.

Қизиғи, бўлажак чемпионлар учинчи сетда 2/4 ҳисобида ортда қолишаётганди. Финал баҳси 2 соату 23 дақиқа давом этган. Кудерметова/Мертенс тандеми 4 та эйс, 7 та брейкка эришиб, 3 та қўшхатога йўл қўйди.

Кудерметова фаолиятида илк бор "Катта Дубулға" совринини қўлга киритди. Мертенсда бундай совринлар сони 5 тага етди. Чемпионлар 2000 рейтинг очкоси ҳамда 680 000 фунт стерлингга эга чиқишди. Се ва Остапенко эса 1300 очко ҳамда 345 000 фунт мукофот пулини қўлга киритишди.