05 июл 10:44
Янгиликлар

Теннис

Уимблдон. Белинда Бенчич рақибасига 4 та гейм берди

Буюк Британиянинг Лондон шаҳрида “Катта Дубулға” туркумига кирувчи Уимблдон турнири давом этмоқда.

Сайёрамизнинг 13-ракеткаси Белинда Бенчич иккинчи давра учрашувида осон ғалабага эришди. Швейцариялик теннисчи 1 соату 10 дақиқа давом этган баҳсда WTA рейтингининг 76-поғонасини банд этган эстониялик Кайя Канепини 6/3, 6/1 ҳисобида мағлубиятга учратди.

Учрашув давомида 22 ёшли Бенчич 3, 34 ёшли Канепи эса 4 та эйс зарбасини амалга оширди. Бу теннисчиларнинг ўзаро илк учашуви эди. Энди Белинда учинчи давра баҳсида америкалик Элисон Рискега қарши кортга чиқади. Риске сербиялик Ивана Йоровичдан 6/2, 6/7(3), 9:7 ҳисобида устун келди.