12 июл 10:22
Янгиликлар

Теннис

Уимблдон. Дунёнинг 10-ракеткаси ярим финалга чиқди

Хабар берганимиздек, шу кунларда Лондон шаҳрида "Катта Дубулға" туркумига кирувчи Уимблдон турнири давом этмоқда.

Дунёнинг 10-ракеткаси америкалик Жон Изнер сўнгги ярим финалчига айланди. У чорак финал учрашувида рейтингда 32-поғонани эгаллаб турган канадалик Милош Раоничга қарши кортга чиқди.

Икки соату 41 дақиқа давом этган баҳсда Изнер рақибини 6:7(5), 7:6(7), 6:4, 6:3 ҳисобида мағлуб этди. Жон учрашув давомида 25та, Милош эса 31та эйс зарбасини амалга оширди. Энди Изнер ярим финалда Кевин Андерсонга қарши баҳс олиб боради.