06 июл 10:48
Янгиликлар

Теннис

Уимблдон. Дунёнинг 9-ракеткаси "етиб келди"

Лондон шаҳри мезбонлигида ўтаётган "Катта Дубулға" туркумига кирувчи Уимблдон турнири ўзининг қизғин палласига кирди.

Дунёнинг тўққизинчи ракеткаси Карен Хачанов мусобақанинг учинчи даврасида мағлубият аламини тотиб кўрди. Россиялик теннисчи рейтингнинг 22-поғонасидан жой олган испаниялик Роберто Баутиста-Агутга 3/6, 6/7(3), 1/6 ҳисобида имкониятни бой берди.

Учрашув 1 соату 53 дақиқа давом этган. Каренга 9 та эйс зарбаси ҳам ёрдам бермаган. Роберто ўзаро учрашувларда олдинга чиқиб олди - 4:2. Энди Баутиста-Агут тўртинчи босқичда франциялик Бенуа Пэрга қарши кортга чиқади.