08 июл 20:58
Янгиликлар

Теннис

Уимблдон. Дунёнинг биринчи ракеткаси иштирокини якунлади

Сайёрамизнинг биринчи рақамли теннис маликаси Эшли Барти Уимблдон турниридаги юришини тўхтатди.

Австралиялик теннисчи мусобақанинг тўртинчи даврасида рейтингнинг 55-поғонасидан жой олган америкалик Элисон Рискега қарши кортга чиқди. Барти 1 соату 36 дақиқа давом этган учрашувда рақибасига 6/3, 2/6, 3/6 ҳисобида имкониятни бой берди.

Эшли баҳс давомида 12 та эйс зарбасини беришга муваффақ бўлди. Элисон эса ўзаро иккинчи учрашувда ҳам Эшлини мағлубиятга учратди. Энди Риске чорак финалда ватандоши Серена Уильямсга қарши кортга чиқади.