"Уимблдон". Жокович чемпионлик ҳимоясини муваффақиятли бошлади

Жаҳоннинг иккинчи ракеткаси, сербиялик Новак Жокович турнирнинг илк даврасида АТР рейтингида 68-ўринни эгаллаб турган Педро Качинни уч сет натижасига кўра мағлуб этди. 

Икки соату 14 дақиқа давом этган учрашувда Жокович 6/3, 6/3, 7/6 ҳисобида ғалаба қозонди. Бу уларнинг ўзаро ўтказган биринчи расмий учрашуви эди. Новак "Уимблдон" турнирида кетма-кет 29-баҳсида зафар қучди. 

Бу Пит Сампрас (31), Рожер Федерер (40) ва Бьорн Борг (41)дан кейин Очиқ эрадаги 4-натижа ҳисобланади. Сербиялик теннисчи турнирнинг иккинчи даврасида австралиялик Жордан Томпсонга қарши баҳс олиб боради.