06 июл 12:24
Янгиликлар

Теннис

Уимблдон. Карлос Алькараз муқаррар мағлубиятдан чиқиб кетди

Лондон шаҳрида "Катта Дубулға" туркумига кирувчи Уимблдон турнири давом этмоқда.

Дунёнинг учинчи ракеткаси Карлос Алькараз учинчи даврада қийин учрашув ўтказди. Испаниялик теннисчи ATP рейтингида 29-ўринни эгаллаб турган америкалик Фрэнсис Тиафони қийинчилик билан мағлубиятга учратди - 5/7, 6/2, 4/6, 7/6(2), 6/2.

Алькараз теннисчиларнинг ўзаро учрашувларидаги ҳисоб мувозанатини тиклаб қўйди - 1:1. Уч соату 50 дақиқа давом этган баҳсда Алькараз 16, Тиафо 9 та эйс зарбасини амалга оширган. Қўшхатолар Фрэнсисда кўпроқ бўлди - 6 га 5. Брейклар бўйича устунлик Карлос томонида - 5 га 3.