“Уимблдон”. Сайёрамизнинг биринчи рақамли теннисчиси қийинчилик билан чорак финалга йўл олди

Сайёрамизнинг биринчи рақамли теннисчиси Ига Свёнтек тўртинчи босқичда Белинда Бенчичга қарши кортга чиқди. Шиддатли кечган баҳсда Ига рақибасини 5:7, 7:6, 6:3 ҳисобларида таслим этди ва чорак финалга йўл олди. Учрашув 3 соат 4 дақиқа давом этди. 

Шу тариқа, Ига Свёнтек фаолиятида илк бор “Уимблдон” мусобақасининг чорак финалига йўл олди. У ярим финалга чиқиш учун  Элина Свитолинага қарши баҳс олиб боради.