12 июл 11:33
Янгиликлар

Теннис

Уимблдон. Янник Синнер - Новак Жокович учрашувида иккинчи финалчи аниқланди

Теннис бўйича "Катта Дубулға" туркумига кирувчи Уимблдон турнирининг иккинчи ярим финал учрашуви бўлиб ўтди.

Унда дунёнинг биринчи ракеткаси Янник Синнер ATP рейтингида олтинчи ўринни эгаллаб турган сербиялик Новак Жоковичга қарши кортга чиқди. Бир соату 53 дақиқа давом этган баҳсда италиялик теннисчи номдор ва тажрибали рақибини ортиқча қийинчиликсиз мағлубиятга учратди - 6/3, 6/3, 6/4.

Теннисчиларнинг ўзаро учрашувларида Янник олдинда бормоқда - 6:4. Иккала теннисчи ҳам 12 тадан эйс зарбасини амалга оширган. Брейклар бўйича устунлик табиийки, Синнер томонида бўлди - 5 га 1. Янник Жоковичга қарши ўтказилган кетма-кет бешинчи учрашувда ҳам зафар қучди. Энди у бош соврин учун испаниялик Карлос Алькарасга қарши кортга чиқади.