08 июл 18:27
Янгиликлар

Теннис

"Уимблдон"да ярим асрлик натижа такрорланди

Лондонда давом этаётган Уимблдон турнирининг эркаклар ўртасида баҳсларида 1/8 финал иштирокчилари маълум бўлди.

Эътиборлиси шундаки, ушбу босқичга етиб келган 16 иштирокчининг 9 нафари 30 ёшдан катта теннисчилар (Рожер Федерер, Рафаэль Надаль, Фернандо Вердаско, Роберто Баутиста-Агут, Новак Жокович, Михаил Кукушкин, Сэм Куэрри, Бенуа Пэр, Жоау Соуза) ҳисобланади.

Шу тариқа, "Уимблдон"даги 51 йиллик рекорд такрорланди. Бундай ҳолат 1968 йилги турнирда ҳам кузатилган эди.