«Улуғ халқ қудрати жўш урган замон!» – мангу янграйвер мадҳиям

 Байрамлар кўп аммо, байрамлар ўзига хос ғурур ва ифтихор туйғуларини ҳис қиладиган байрам бу - Ўзбекистон Республикаси Давлат мадҳияси қабул қилинган кун десак муболаға бўлмайди.

«Ўзбекистон Республикасининг давлат мадҳияси тўғрисида»ги Қонун

1992 йил 10 декабрда Ўзбекистон Республикаси Олий Кенгашининг ўн биринчи сессиясида қабул қилинган бўлиб, бу йил «Ўзбекистон Республикасининг Давлат мадҳияси тўғрисида»ги Қонун қабул қилинганлигининг 28 йиллигини кенг нишонламоқдамиз.

Барча юртдошларимиз қатори Ўзбекистон Республикаси Жисмоний тарбия ва спорт вазирлигида ҳам «Улуғ халқ қудрати жўш урган замон!» шиори остида байрам тадбири ўтказилди яъни иш куни Давлат мадҳиясини куйлаш билан бошланди.

Шунингдек, Давлат мадҳиясининг фуқароларда ўз она Ватанидан ғурурланиш туйғусини юксалтириш, ёшларни ватанпарварлик руҳида тарбиялашдаги беқиёс аҳамиятини тушунтириш лозим эканлиги таъкидлаб ўтилди.

Алоҳида таъкидлаб ўтиш лозим, Маъмурий жавобгарлик тўғрисидаги кодекснинг 203-1-моддаси ва Жиноий жавобгарлик тўғрисидаги кодекснинг 215-моддасида давлат рамзларига ҳурматсизлик қилиш юзасидан жавобгарликлар белгиланган.