02 июл 15:09
Янгиликлар

Таэквондо

Улуғбек Рашитов: "Келаси йилги Жаҳон чемпионатида шоҳсупага кўтарилиш учун бор кучимни бераман"

Таэквондо бўйича Ўзбекистон терма жамоаси аъзоси, икки карра Олимпиада ўйинлари ғолиби Улуғбек Рашитов "Kazakhstan Open" халқаро турнирида фахрий меҳмон бўлди.

"Астанага биринчи марта келдим. Жуда чиройли ва ўзига хос муҳитга эга шаҳар экан, менда жуда яхши таассурот қолдирди.

Ростини айтсам, мусобақаларни томошабин сифатида кузатиш жуда қийин бўлди. Хаёлан аллақачон қайтишимни тасаввур қиляпман. Ин Ша Аллоҳ, келаси йили Жаҳон чемпионати айнан Астанада бўлади ва мен яна шоҳсупага кўтарилиш учун бор кучимни бераман.

Қардошларимга самимий меҳмондўстлиги учун катта раҳмат", деб ёзган Рашитов ўзининг Instagram саҳифасида.

Улуғбекнинг дисквалификация муддати 2027 йил май ойида якунига етади.