02 апр 09:49
Янгиликлар
Бокс/ММА
Умар Кремлёв Бивол — Бетербиев трилогиясини ташкил қилмоқчи
Халқаро бокс ассоциацияси (IBA) президенти Умар Кремлёв россиялик боксчилар - Дмитрий Бивол ва Артур Бетербиев ўртасида учинчи жангни ташкил этишга тайёр эканини маълум қилди.
"IBA Бивол ва Бетербиев ўртасидаги трилогия жангини ташкил этишга тайёр. Бу — дунёдаги энг яхши боксчилар ва уларнинг қарама-қаршилиги глобал миқёсдаги воқеа. Аммо улар ўзаро жангдан олдин яна биттадан оралиқ жанг ўтказишлари керак. Шундан сўнг, йил охирига бориб, учинчи жангни аниқ режалаштириш ва ташкил этиш мумкин бўлади.
Биз ушбу трилогияни Россияда ўтказишни мақсад қилганмиз. Бугунги кунда бундай жангни ўтказиш анча реал кўринади. Жаҳондаги ҳозирги вазиятни ҳисобга олсак, Москва бундай миқёсдаги тадбир учун энг мос ва хавфсиз майдон ҳисобланади — бу ерда ҳаммасини энг юқори даражада ташкил этиш мумкин", — деди Кремлёв IBA матбуот хизматига берган интервьюсида.
Ҳавола :
Манба : IBA
Фикрлар