20 май 14:02
Янгиликлар

Бокс/ММА

Умар Кремлёв Жон Жонс учун бокс жанги ташкил қилмоқчи

Халқаро бокс ассоциацияси (IBA) президенти Умар Кремлёв UFC собиқ чемпиони Жон Жонснинг боксга ўтиш истагига муносабат билдирди.

"Агар Жон Жонснинг боксга ўтиши ҳақида гап кетса, бундай воқеалар биз учун қизиқ. Жонснинг рингда Даниэль Кормье ёки Фрэнсис Нганнуга қарши, аммо бокс қоидалари бўйича жанг қилиши — бутун дунё кутган тўқнашувлар.

27 июнь куни Жон Россияга IBA Bare Knuckle турнирига келади ва албатта у билан шахсан суҳбатлашамиз. Унинг боксда ўзини синаб кўриш режалари қанчалик жиддий эканини тушуниб олиш муҳим.

Агар бу қизиқиш ҳақиқий бўлса, IBA унинг иштирокида Россияда катта шоу ташкил қилади", — деди Кремлёв IBA матбуот хизматига.