Умар Нурмагомедов: "Хабибнинг укаси бўлиб туғилганим менинг айбим эмас"

"Одамлар орасида шундай гап борки, менга ҳамма нарса тайёр келяпти, мен бошқа жангчилар босиб ўтадиган оғир йўлни босиб ўтмадим ва ҳоказо. Бунда менинг айбим йўқ. Хабиб Нурмагомедовнинг укаси бўлиб туғилганим менинг айбим эмас.

Мабодо, бошқа фамилиям бўлганида, мени UFC`га қабул қилмасликлари мумкинмиди? Ҳа, бўлиши мумкин. Ҳамма нарса бўлиши мумкин. Агар шундай акам бўлмаганида, умуман бу спорт билан шуғулланган бўлармидим? Бу ҳам савол. Агар мен ўрнак оладиган акам жарроҳ бўлганида, балки бу соҳа менга ёқиб қолармиди? Гарчи жарроҳ бўлиш ҳам осон иш эмас.

Шунинг учун ҳамма нарса бўлиши мумкин эди. Лекин бугунги кунда мен шу ердаман, шу йўлдан кетяпман ва UFC чемпиони бўлишни хоҳлайман. Агар кимдир мени муносиб эмас, у даражадаги жангчи эмас деб ҳисобласа, бу унинг фикри - шундай ўйлашга тўлиқ ҳаққи бор. Менда бирор нарсани исботлаш истаги йўқ", - деди россиялик жангчи RED Corner MMA нашрига берган интервьюсида.

Эслатиб ўтамиз, Умар Нурмагомедов келаётган дам олиш куни Шанхайда бўлиб ўтадиган UFC Fight Night 286 турнирининг асосий жангида хитойлик Сонг Ядонгга қарши октагонга кўтарилади.