Умида Омонова FIDE Жаҳон кубогининг учинчи босқичига чиқди

Ушбу нуфузли мусобақада Ўзбекистон терма жамоасининг уч нафар етакчи вакилалари ҳам иштирок этаётганди. Улардан Умида Омонова кучли рақибаларини мағлубиятга учратиб, учинчи даврага йўл олди. Умида Европа чемпиони, польшалик Алина Калинская билан дуранг ўйнаган эди. Ҳал қилувчи тай-брекда у номдор рақибасини мағлуб этишни уддалади. 

Гулруҳбегим Тоҳиржонованинг хитойлик халқаро спорт устаси Лу Миаойига қарши баҳси тақдири ҳам тай-рекда ҳал бўлди. Қийин вазиятдан ғалаба йўлга чиқиб олган Гулруҳбегим муҳим паллада йўл қўйилган хато эвазига имкониятни бой бериб, жаҳон кубогидаги иштирокини якунлади. 

Эслатиб ўтамиз, ёшлар ўртасида икки карра жаҳон чемпиони ҳисобланган Афруза Ҳамдамова иккинчи даврада ҳиндистонлик гроссмейстер, рапид йўналишида икки карра жаҳон чемпиони Ҳампи Конеруга 0,5:1,5 ҳисобида ютқазиб қўйган эди.   

Бугун Умида Омонова учинчи даврада қозоғистонлик Элназ Калиахметга қарши дона суради. Элназ иккинчи босқичда грузиялик номдор рақибаси Нино Бациашвилидан 1,5:0,5 ҳисобида устун келди.