"Унчалик аҳмоқ эмасман". Де Ла Хойя боксга эҳтимолий камбэк ҳақида фикр билдирди

Оскар охирги расмий жангини 2008 йили ўтказган — ўшанда у энди порлаб чиқаётган юлдуз Мэнни Пакьяога мағлуб бўлганди. Шундан бери у фақат кўргазмали жангларда қатнашган.

2021 йилда у кутилмаганда фаолиятини қайта бошлаш ниятини билдирганди. Ҳатто Канело Альваресга қарши жанг ҳақидаги гаплар ҳам чиққан. Шунингдек, у собиқ UFC чемпиони Витор Белфортга қарши рингга чиқиши керак эди, аммо ковидга чалинганидан сўнг бу жанг бекор қилинганди.

FightHub TV'га берган интервьюсида Де Ла Хойя шундай деди:

"Мен унчалик аҳмоқ эмасман. Соя билан жанг қилдим — 10 сониядан кейин юрагим кўкрагимдан чиқиб кетгудек бўлди. Мэнни билан бўлган жангни эсласам, ўша пайтда ғалабага эмас, фақат жон сақлаш учун ҳаракат қилгандек эдим. Унда мен руҳимни — яъни боксчи руҳимни рингда қолдирганман. Тушуняпсизми, нима демоқчиман?", - деди Оскар де ла Хойя.