US Open. 26 та эйс ҳам Шаповаловга ёрдам бермади

Эркаклар ўртасидаги мусобақанинг 1/4 финалида дунёнинг 17-ракеткаси Денис Шаповалов рейтингда ўзидан 10 поғона пастда бораётган испаниялик Пабло Карреньо-Бустага қарши кортга чиқди. 

Канадалик 21 ёшли теннисчи 4 соату 8 дақиқа давом этган баҳс якунида рақибига 6/3, 6/7(5), 6/7(4), 6/0, 3/6 ҳисобида ютқазиб қўйди. Денисга 26 та эйс зарбаси ҳам ёрдам бера олмади. 29 ёшли Карреньо-Буста эса 5 та эйс зарбасини йўллади. Ўзаро учрашувлардаги ҳисоб испаниялик теннисчи фойдасига - 4:1 кўринишига келди. Энди Буста финал чиптаси учун германиялик Александр Зверевга қарши кортга чиқади.