US Open. Алькараз чемпионлик ҳимоясини давом эттиряпти

Айнан испаниялик теннисчи US Open турнирининг амалдаги чемпиони ҳисобланади. У иккинчи даврада ATP рейтингида 177-поғонада бораётган ЖАР вакили Ллойд Харрисни уч сет натижасига кўра мағлубиятга учратди - 6/3, 6/1, 7/6(4).

Теннисчиларнинг ўзаро илк учрашуви 2 соату 31 дақиқа давом этган. Алькараз 4, Харрис 6 та эйс зарбасини ижро этган. Қўшхатолар 1 га 6 кўринишда, Харрис, брейклар эса аксинча 5 га 1 ҳолатда Алькараз фойдасига бўлган. Энди Карлос учинчи босқич учрашувида британиялик Дэниэль Эвансга қарши кортга чиқади.