12 сен 09:11
Янгиликлар

Теннис

US Open. Аёллар жуфтлик баҳсларида ғолибалар маълум + ФОТО

Нью-Йорк шаҳрида якуни сари яқинлашаётган АҚШ Очиқ чемпионатининг аёллар ўртасидаги жуфтлик баҳсларида финал учрашуви бўлиб ўтди.

Унда россиялик Вера Звонарёва ва германиялик Лаура Зигемунд америкалик Николь Меликар ҳамда хитойлик И-Фань Сю жуфтлигига қарши кортга чиқди.

Бир соату 19 дақиқа давом этган учрашувда Звонарёва ва Зигемунд 6/4, 6/4 ҳисобларида зафар қучиб, US Open чемпионларига айланишди. АҚШ Очиқ чемпионатидаги муваффақиятли иштирок Вера ва Лаурага 400 минг доллардан мукофот пули келтирди.