13 сен 07:46
Янгиликлар

Теннис

US Open аёллар мусобақасида чемпион аниқланди

Ҳозиргина АҚШнинг Нью-Йорк шаҳрида ўтказилаётган теннис бўйича "Катта Дубулға" туркумига кирувчи US Open турнирининг аёллар ўртасидаги баҳсларида чемпион номи маълум бўлди.

Бош соврин учун кечган ҳал қилувчи финал учрашувида дунёнинг тўққизинчи ракеткаси, япониялик Наоми Осака ҳамда WTA рейтингида 27-поғонадан жой олиб турган беларуслик Виктория Азаренко ўзаро тўқнаш келишди.

Бир соату 53 дақиқа давом этган баҳснинг биринчи сетини 1/6 ҳисобида бой берган Осака камбэкни амалга ошира олди ва якунда ғалаба қозонди - 6/3, 6/3. 22 ёшли Наоми 6, 31 яшар Виктория эса 3 та эйс зарбасини амалга оширди. Ўзаро учрашувлардаги ҳисоб тенглашди - 2:2.