05 сен 12:08
Янгиликлар

Теннис

US Open. Бешинчи ракетка хитойлик теннисчига ютқазиб қўйди

АҚШнинг Нью-Йорк шаҳрида теннис бўйича "Катта Дубулға" туркумига кирувчи турнир давом этмоқда.

Кутилмаганда дунёнинг бешинчи ракеткаси Онс Жабер тўртинчи давра учрашувида мағлубият аламини тотиб кўрди. Тунислик теннис маликаси WTA рейтингида 23-поғонада бораётган хитойлик Чжен Цзинвенга имкониятни бой бериб қўйди - 2/6, 4/6. Теннисчиларнинг ўзаро иккинчи учрашувида ҳам Чин юрти вакиласи ғалаба қозонди.

Учрашув статистикаси:

Эйс зарбалар: Жабер 3, Чжен 4

Қўшхатолар: Жабер 3, Чжен 6

Брейклар: Эабер 3, Чжен 6.

Чжен Цзинвен фаолиятида илк бор "Катта Дубулға" турнирлари 1/4 финалига чиқди. Унинг US Open 1/2 финал чиптаси учун кечадиган учрашувдаги рақибаси дунёнинг иккинчи ракеткаси, беларуслик Арина Соболенко бўлади.