US Open. Даниил Медведев Боргешга тўртта гейм берди

Дунёнинг бешинчи ракеткаси Даниил Медведев ҳам кучли саккиз нафар теннисчилар сафига кирди. Россиялик теннисчи 1/8 финалда ATP рейтингида 34-поғонада бораётган португалиялик Нуну Боргешга ҳеч қандай имконият қолдирмади - 6/0, 6/1, 6/3. 

Теннисчиларнинг ўзаро учрашувларидаги ҳисоб йириклашди - 3:0. Бир соату 48 дақиқа давом этган баҳсда Медведев 9, Боргеш 5 та эйс зарбасини амалга оширган. Қўшхатолар португалияликда тенг баробарига кўпроқ бўлди - 10 га 5. Брейклар бўйича устунлик табиийки Даниилда анча кўп бўлди - 8 га 1! 

Медведев ўтган йили АҚШ Очиқ чемпионатининг финалига етиб келганди. Ўшанда у Новак Жоковичга имкониятни бой бериб, US Open вице-чемпионига айланган эди. Унинг 1/4 финалдаги рақиби дунёнинг биринчи ракеткаси италиялик Янник Синнер бўлади.