US Open. Жокович иккинчи давра учрашувини ўтказди

Дунёнинг иккинчи ракеткаси Новак Жокович ортиқча қийинчиликсиз иккинчи давра иштирокчисига айланди. Сербиялик теннисчи иккинчи босқич учрашувида ATP рейтингида 76-поғонада бораётган испаниялик Бернабе Сапата Миральесни мағлубиятга учратди - 6/4, 6/1, 6/1. 

Бу теннисчиларнинг ўзаро ўтказган илк учрашуви эди. Икки соату икки дақиқа давом этган баҳсда Жокович 5, Сапата Миральес 2 та эйс зарбасини амалга оширди. Новак қўшхатога йўл қўймади. Брейклар эса 6 га 0 кўринишида, серб фойдасига бўлди. Энди Жокович учинчи даврада ҳамюрти Ласло Джерега қарши кортга чиқади. Ласло иккинчи босқичда франциялик Уго Гастондан устун келди - 6/1, 6/2, 6/3.