US Open. Жокович ўзидан тенг баробарга ёш рақибини ютди

Дунёнинг еттинчи ракеткаси бўлиб турган 38 ёшли Жокович US Open турнирининг илк даврасида ATP рейтингида роппа-роса 50-ўринни эгаллаб турган америкалик 19 яшар Лёрнер Тьенни 6/1, 7/6(3), 6/2 ҳисобида мағлубиятга учратди. Бу ота-бола ёшидаги теннисчиларнинг ўзаро ўтказган илк учрашуви бўлди.   

Икки соату 24 дақиқа давом этган баҳсда Жокович 7, Тьен 1 та эйс зарбасини амалга оширган. Фаолиятида 19-маротаба US Open турнирида қатнашаётган Новак ҳали шу пайтгача учинчи босқичдан олдин ютқазмаган. "Катта Дубулға" турнирларининг 24 карра чемпиони иккинчи даврада дунёнинг 149-ракеткаси Закари Свайдага қарши кортга чиқади. У биринчи даврада венгриялик Жомбор Пирошдан устун келди - 6/4, 6/2, 7/5.