US Open. Карлос Алькаразда кутилмаган мағлубият

Кутилмаганда дунёнинг учинчи ракеткаси Карлос Алькараз иккинчи давра учрашувида ATP рейтингида 74-ўринни эгаллаб турган нидерландиялик Ботика ван де Зандшульпга имкониятни бой бериб қўйди - 1/6, 5/7, 4/6. Теннисчиларнинг ўзаро учинчи учрашувида Ботика илк ғалабасини қўлга киритди - 1:3. 

Икки соату 21 дақиқа давом этган баҳсда ҳар иккала теннисчи ҳам 2 тадан эйс зарбасини амалга оширган. Қўшхатолар Ван де Зандшульпда кўп бўлди - 7 га 1. Алькараз 2, Ботика 6 та брейкка эришган. Энди 28 ёшли нидерландиялик теннисчи US Open турнирининг учинчи босқичида Жек Дрэйперга қарши кортга чиқади. Британиялик теннисчи иккинчи даврада аргентиналик Факундо Диасдан устун келди - 6/4, 6/2, 6/2.