01 сен 10:25
Янгиликлар

Теннис

US Open. Каролин Возняцкининг юриши давом этмоқда

Дунёнинг 71-ракеткаси Каролин Возняцки "Катта Дубулға" туркумига кирувчи АҚШ Очиқ чемпионатининг тўртинчи даврасига йўл олди.

Даниялик теннисчи учинчи босқичда WTA рейтингида 143-поғонадан жой олган франциялик Жессика Поншени ортиқча қийинчиликсиз мағлубиятга учратди - 6/3, 6/2. Бу теннис маликаларининг ўзаро ўтказган илк учрашуви бўлди.

Етмиш беш дақиқа давом этган баҳсда Возняцки 3, Понше 4 та эйс зарбасини амалга оширган. Энди Возняцки US Open тўртинчи даврасида Беатрис Хаддад Майяга қарши кортга чиқади. Бразилиялик теннисчи ўз ўрнида россиялик Анна Калинскаядан 6/3, 6/1 ҳисобида устун келди.