US Open. Кетма-кет икки сетни ютқазган Зверев 1/2 финалда камбэк қилди

Мусобақанинг эркаклар ўртасидаги иккинчи ярим финал учрашуви драматик якуни топди. Дунёнинг 7-ракеткаси, германиялик 23 ёшли Александр Зверев ATP рейтингининг 27-поғонасида бораётган испаниялик 29 ёшли Пабло Карреньо-Бустага қарши кортга чиқди. 

Зверев дастлабки икки сетни 2/6, 3/6 ҳисобларида бой бера туриб, якунда умумий ғалабани илиб кетди. Александр кейинги учта сетни 6/3, 6/4, 6/3 ҳисобларида ўз фойдасига ҳал қилиб, ажойиб камбэкни амалга оширди. Зверевга 24 та эйс зарбаси ҳам ёрдам берди. Энди Александр Зверев бош соврин учун баҳсда Доминик Тимга қарши кортга чиқади.