US Open кузга кўчирилган "Ролан Гаррос"ни танқид қилди

"АҚШ теннис ассоциацияси айни пайтда US Open-2020 турнирига тайёргарлик кўряпти ва шу билан бирга тақвимга ўзгартириш киритиш ҳақида ўйламаяпти. Лекин барибир олдиндан бир нарса дейиш қийин. Вазиятни ўзингиз кўряпсиз. Ҳар қандай ҳолатга тайёр турибмиз. Ўзгариш бўлган тақдирда ҳам турнирни кутилганидан ҳам кечроқ муддатда ўтказамиз. 

Лекин биз бошқа ҳолатдан хафамиз. "Ролан Гаррос" ташкилотчилари турнирни ҳеч ким билан маслаҳатлашмаган ҳолда ўзлари хоҳлаган вақтга кўчиришди. Бундай вазиятларда маслаҳатлашиб иш кўрган маъқул. US Open бу мавзуда бошқа "Катта Дубулға" турнирлари, шунингдек, WTA, ATP, ITF мусобақалари ҳамда ҳамкорлар билан маслаҳатлашади", - дейилади US Open баёнотида.

Эслатиб ўтамиз, ўзгаришдан сўнг шу нарса аён бўлди-ки, "Ролан Гаррос" US Open мусобақаси якунланганидан бир ҳафта ўтиб бошланади.