04 сен 11:52
Янгиликлар

Теннис

US Open. Милош Раонич "етиб келди". Унга 29 та эйс ҳам ёрдам бермади

АҚШнинг Нью-Йорк шаҳрида теннис бўйича "Катта Дубулға" туркумига кирувчи US Open турнири давом этмоқда.

Дунёнинг 18-ракеткаси, канадалик Милош Раонич бироз кутилмаганда мусобақанинг иккинчи даврасида ватандоши Вашек Поспишилга имкониятни бой бериб қўйди - 7/6(1), 3/6, 6/7(4), 3/6.

Канадаликлар кортда 3 соату 18 дақиқа ҳаракат қилишган. Милошга 29 та эйс зарбаси ҳам ёрдам бермаган. Вашекда бу кўрсаткич 19 тани ташкил этди. Ўзаро учрашувларда Поспишил олдинда - 5:3. Поспишил US Open турнирининг учинчи босқичида испаниялик Роберто Баутиста-Агутга қарши кортга чиқади.