US Open. Қозоғистонлик теннис маликаси ғалаба билан бошлади

Дунёнинг ўнинчи ракеткаси бўлиб турган Елена Рибакина мусобақанинг биринчи босқичида енгил ғалабани қўлга киритди. Қозоғистонлик теннис маликаси WTA рейтингининг 335-поғонасида бораётган еамерикалик Хульета Парехани ортиқча қийинчиликсиз мағлубиятга учратди - 6/3, 6/0.

Бу теннисчиларнинг ўзаро ўтказган илк учрашуви бўлди. Олтмиш тўрт дақиқа давом этган баҳсда Рибакина 6 та эйс, 4 та брейк қайд этиб, 2 та қўшхатога йўл қўйди. Энди Рибакина иккинчи босқичда Тереза Валентовага қарши кортга чиқади. Чехиялик теннисчи биринчи даврада италиялик Лючия Бронцеттини 6/3, 3/6, 6/4 ҳисобида мағлубиятга учратди.