10 сен 09:26
Янгиликлар

Теннис

US Open. “Рус дербиси”да Медведевнинг қўли баланд келди

АҚШнинг Нью-Йорк шаҳрида ўтказилаётган “Катта Дубулға“ туркумига кирувчи US Open турнирида ярим финал иштирокчилари маълум бўлмоқда.

Бугун бўлиб ўтган чорак финал баҳсларнинг навбатдаги учрашувида Даниил Медведев ҳамюрти Андрей Рублёвга қарши кортга чиқди. Икки ярим соат давом этган баҳсда омад Даниилга кулиб боқди ва у рақибини 7:6, 6:3, 7:6 ҳисобларида таслим этишни уддалади.

Бу билан Медведев фаолияти давомида илк бор «Улкан тож» мусобақаларининг ярим финалига йўл олди. У финал йўлланмаси учун Доминик Тимга қарши баҳс олиб боради.