US Open. Синнер - Зверев учрашуви 4 соату 41 дақиқа давом этди

Эркаклар ўртасидаги мусобақанинг Янник Синнер ва Александр Зверев ўртасидаги тўртинчи давра учрашуви ғолиби беш сетда аниқланди. Тўрт соату 41 дақиқа давом этган баҳсда дунёнинг олтинчи ракеткаси бўлиб турган италиялик Янник Синнер ATP рейтингида 12-ўринни эгаллаб турган германиялик Александр Зверевга имкониятни бой бериб қўйди - 4/6, 6/3, 2/6, 6/4, 3/6.

Синнер ўзаро учрашувлардаги тўртинчи мағлубиятини қабул қилиб олди - 1:4. Янник 12, Зверев 16 та эйс зарбани ижро этган. Қўшхатолар Синнерда биттага кўпроқ бўлди - 7 га 6. Италиялик 4, германиялик теннисчи эса 6 та брекйни амалга оширди. Энди Зверев 1/4 финалда дунёнинг биринчи ракеткаси, мусобақанинг амалдаги чемпиони, испаниялик Карлос Алькаразга қарши кортга чиқади.