US Open ташкилотчилари 500 минг ниқоб харид қилишди

Мусобақа вақтида, 40 нафар ходим қоидаларга риоя қилинишини назорат қилиб боради. Улар ижтимоий масофага риоя қилинмаганида, ниқоб тақилмаганида ўйинчилар ва бошқа иштирокчиларга танбеҳ беришлари мумкин бўлади. 

Америка теннис ассоциацияси мусобақа вақтида фойдаланиш учун 500 минг дона ниқоб харид қилган. 

Ўйинчиларни меҳмонхонадан теннис мажмуасига олиб бориш учун 60 та автобус жалб қилинади. Улар фақатгина 50 фоиз йўловчи билан тўлиши мумкин бўлади. 

Артур Эш стадиони кийиниш хонасига эса максимал равишда 30 нафар одам киритилади (аввал 300 нафар эди). Ошхонага эса кўпи билан 50 нафар одам кириши мумкин.