05 сен 17:42
Янгиликлар

Теннис

US Open турниридан кейин дунёнинг иккинчи ракеткаси ўзгаради

Якуни сари яқинлашаётган "Катта Дубулға" туркумига кирувчи US Open турниридан кейин ATP рейтингида бир нечта ўзгаришлар бўлади.

Хусусан, дунёнинг тўртинчи ракеткаси Александр Зверев АҚШ Очиқ чемпионатидан сўнг рейтингнинг иккинчи поғонасига кўтарилиб олади. Нью-Йоркдаги турнирда германиялик теннисчи 1/4 финалга етиб келди.

Ушбу натижа эвазига у испаниялик Карлос Алькараз ва Новак Жоковични ортда қолдириб, дунёниннг иккинчи ракеткасига айланиб олади. Бу икки теннисчи мос равишда иккинчи ва учинчи босқичларда рақибларига ютқазиб, ўз иштирокларини тўхтатишган эди.

Шу кунгача иккинчи ракетка бўлиш имкониятни Даниил Медведевда ҳам бор эди. Аммо у 1/4 финалда сайёрамизнинг биринчи рақамли теннисчиси Янник Синнерга ютқазиб, бу имкониятдан маҳрум бўлди. Зверев 2022 йилнинг июнь ойида илк бор рейтингнинг иккинчи поғонасига кўтарилганди. Бу унинг шахсий рекорди ҳисобланади.