Усик Чисорадан 17 кг енгил тош босди + ФОТО

Оқшомнинг марказий жанг супероғир вазн тоифасида бўлиб ўтади ва унда биринчи енгил вазнда собиқ мутлақ жаҳон чемпиони украиналик Александр Усик ҳамда чемпионлик камарига собиқ даъвогар британиялик Дерек Чисора ўзаро тўқнаш келади.

Бугунги жанг олдидан боксчилар анъанага мувофиқ тарозидан ўтиш маросимида иштирок этишди. Унда британиялик боксчи рақибидан деярли 17 килограммга оғирроқ чиқди. Чисора - 115,9 кг, Усик эса 98,5 кг тош босди.

Эслатиб ўтамиз, бу Усик учун супероғир вазндаги иккинчи жанг бўлади. У дебют жангини 2019 йилнинг октябрь ойида ўтказган ва ўшанда Чазз Уизерспунни мағлубиятга учратган эди. Чисора эса сўнгги жангида Дэвид Прайсдан устун келганди.