"Усик фаолиятини иложи борича тезроқ якунлаши керак" - промоутер

"Мен бу ҳақда очиқ фикримни билдирганман. Усик фаолиятини иложи борича тезроқ якунлаши керак. Ҳатто унинг Дюбуа билан жангига ҳам қарши бўлганман.Лекин у жангнинг маъноси бор эди — уч карра мутлақ чемпион бўлиш. Лекин Уордли билан жанг қилишнинг нима кераги бор? Унга ҳурмат билан қарайман, лекин Усик нуқтаи назаридан гапираман. Бу ерда пул ҳам сабаб эмас, чунки бу жангда катта маблағ йўқ. Фақат мўъжиза рўй бериб, кўк вертолётда сеҳргар келиб, боксни эгаллаб, Усикка 50 миллион доллар берса, шундагина маъно бўлади.

Бошқа ҳолда — нега у сўнгги 13 йилда эришган барча ютуқни хавф остига қўйиши керак? У уч карра мутлақ чемпион. Агар ютқазса, одамлар фақат шу мағлубиятини эслайди.

Леннокс Льюис — энг яхши мисол. "Яхшиси, бир соат олдин кет, икки дақиқа кеч эмас" деган гап бор. Мен ҳам шундай фикрдаман. Усикнинг мутлақ чемпион сифатидаги мақоми, мағлубиятсиз жангчи сифатидаги обруси унинг умрининг охиригача сақланади ва уни бокс афсонаси сифатида қолдиради — эҳтимол, келгуси асрларгача", — деди Красюк.